Киев икълималда бугеб нартил базаялда итни къоялъул къаси баккараб цIа ккеялъул суалгун гьоркьоб хехаб данделъи ахIана Украиналъул хIукуматалъ.
Гьадин лъазабуна жиндирго Твиттералда увице-премьер Вячеслав Кириленкоца.
Украиналъул премьер-министр Арсений Яценюк гьабсагIат Цолъарал Штатазда вуго.
ГIаммаб къадаралда 16 цистерна кьвагьун бугоан. ЧIван вуго цо чи, 12-гояв лъукъана. ХвасарчагIаз гIадамазул эвакуация байбихьана.
Украиналъул жанисел ишазул министерлъиялъул лъазабиялда рекъон цIа ккеялъе гIиллалъун букIун буго техникияб гъалатI. Нартил базаялъул территориялда цIатариялъул 14 азарго тонна букIун буго.