Башкириялъул Салават шагьаралда бугеб колониялда ккараб бунталда II зэк лъукъанилан лъазабулеб буго «Интерфакс» агентствоялъ. Зэказул багъа-бачари байбихьун буго колониялда ругел шартIал хисизареян гьезул гьари тIубачIеб мехалда. Гьеб колониялда жакъа къоялда I200 зэк вуго. Гьениб ккараб лъугьа-бахъиналда тIаса прокуратураялъ цIех-рех рагьана.
6-леб маялда Нижний Новгородалда бугеб колониялдаги гьединабго лъугьа-бахъин ккана. Туснахъалъулаб азарханаялда ккараб бунталда цо чи хвана, анцIила хадув чи лъукъана. Инсанасул ихтиярал цIунулез чанги нухалда лъазабун букIана колониялда зэказе рукIине кколел шартIал чIезарун гьечIилан. Гьеб колониялда ругоан туберкулез ва ВИЧ бугел чагIи.