Москваялда бугеб Театр.doc’алда хал-шал гьабиял тIоритIана низам цIунулез. Гьезул рагIабазда рекъон, прокуратураялъул, МЧСалъул ва полициялъул вакилаз халгьабулеб букIана цIаккеялде дандечIараб система кинан хIалтIулеб бугеб театралда.
Театр.doc’алъул директор Елена Греминалъ бицухъе, хал-шал гьабизе рачIараз бичIчIизабичIо щай гьел раккаралали. Театралъ арендаялъе босараб минадул документазул копиялги цадахъ ун руго низам цIунулез.
Гьал къоязда Театр.doc’алда «Болотное дело» абураб спектакль лъун букIана. Гьениб бицунеб буго 2012-леб соналъул 6-леб маялда Москваялда тIобитIараб оппозициялъул акциялъул хIакъалъулъ. Гьеб спектакль сабаблъун раккун ратилин жидехъе низам цIунулелян рикIкIунеб буго Греминалъ.