Подмосковьелда бугеб Балашиха шагьаралда тIоритIарал рищиязда хадуб хал ккун вукIарав Станислав Поздняковасе операция гьабуна ва тохтураз гьесул къечI къотIана. Поздняков азарханаялде ккана рищиял унеб бакIазда гьев квешго вухун хадув. Бюллетенал рехиялъул хIужжаби гьес гьоркьоса къотIидал, автомобилалда рищиязул участокалда рачIарал чагIаз вухун вуго Поздняков.
Мособлизбиркомалъул нухмалъулев Ирек Вильдановас рищиязда тIаса баян кьолаго абуна рищиязда хадур хал ккун рукIарал чагIи жинда нацистал ругин кколин. Инсанасул ихтиярал цIунулез Россиялъул тIалъиялде петиция битIана хадуб Вильданов хъулухъалдаса вахъеян.