СагIудиязул къирал Салман ибн ГIабдулгIазиз аль-Саудица хIукуматалда хиса-басиял гьаруна. Гьес жиндирго вац Мукринасухъа нахъе бахъана ирсилав принцасул цIар. Жиндир ирсилавлъун гьес лъазабуна жиндирго вацасул вас МухIаммад Наиф.
Вице крон-принцлъун лъазавун вуго улка цIуниялъул министр МухIаммад бин Салман. Гьев ккола къираласул вас. КъватIисел ишазул министрлъун тIамун вуго Адель аль Джубайр. Цеве гьев хIалтIулаан Цолъарал Штатазда СагIудиязул ГIарабустаналъул илчилъун.