Польшаялъул нухмалъиялъ инкар гьабун буго «Ночные волки» абураб байкеразул клубалъул гIахьалчагIи жидерго территориялде риччазе. Польшаялъул КъватIисел ишазул министерлъиялъ Россиялухъе битIун буго гьелъул хIакъалъулъ лъазабулеб нота. Гьелъие гIиллалъун лъазабун буго байкеразул мухIканаб маршрут ва гIахьалчагIазул сияхI бихьизабун гьечIолъи.
Ахрисеб анкьалда гьеб акциялде данде петиция баккун буго Белоруссиялдаги Чехиялдаги. Белоруссиялъул жамгIиял хIаракатчагIаз рикIкIунеб буго, байкераз Донбассалда лъугьа-бахъунелъул рахъ кколеб бугин ва гьел рагъул символал кколин. Чехиялда «Ночные волки» клуб рикIкIунеб буго Россиялъул «авторитарияб режималъул» рахъ ккураб гIуцIилъун.
16 апрелалда гьеб клубалъул гIахьалчагIазе гьукъун буго Берлиналдасахун инеги.