Чачаналъ жиндир изну гьечIого операцияби гьарулел хIинкъигьечIолъиялъул къуватазде "кьвагьдезе кколин", лъазабуна Чачан республикаялъул бетIер Рамзан Къадировас низам цIунулел идарабазул хIалтIухъабазул данделъиялда 21 апрелалда.
"Грозный ТВ" каналалъ бихьизабураб видеоялда Къадировас абулеб буго, жинца официалияб къагIидаялда лъазабулеб бугин, нагагьлъун нилъедаги лъазабичIого гьанив, батIалъи гьечIо, вукIине те гьев москваялъулав, вукIине те гьев ставрополалъулав, вачIунев вугони, гьесде кьвагьдезе кколин. Ва нилъ гьез рикIкIине кколин.
Гьединаб лъазаби чачаназул бетIерас гьабун буго цересел къоялда Ставрополалдаса низам цIунулез тIобитIараб хасаб операциялда хадуб. Гьелъул хIакъалъулъ республикаялъул бетIерасда тIоцересез лъазабун букIун гьечIо.