Тероризмалдеги экстремизмалдеги ахIиял гьариялъул гIайиб гIунтIизабун, туснахъалъул 7 сон бихьизабуна Москва округалъул рагъулаб диваналъ публицист Борис Стомахиние. Диваналъ гьесие гьукъана гьединго щуго соналъ журналистикаялде хурхен бугеб хIалтIи гьабизе.
Ахирисеб такъсирияб иш Стомахиние ккола лъабабилеб. Гьеб хурхараб рагIула «Кавказ-Центр» сайталда бахъараб статьяялда. Интернет-сурсаталда бахъараб материал рикIкIана экстремистияблъун.