Оппозициялъул активистазул тадбирал тIоритIана Москваялда 19-леб апрелалда. Цо чи гIахьаллъарав 20 митинг гьабуна Москваялъул батIи-батIиял мухъазда гьез. Тадбирал лъугьун хадур гьел активистаз тIугьдул лъуна политик Борис Немцов чIварав бакIалда.
«ОВД-инфо» сайталъул лъазабиялда рекъон, полициялъулаз 4 активист ккуна, амма хадур нахъе ричана киналго. Цояв активистасухъ кодоб букIун рагIула «Путин ккола жакъа вугев Гитлер» ян хъвараб плакат.