Азербайжаналда туснахъ гьавуна инсанасул ихтиярал цIунулев Расул Джафаров. Гьев машгьурлъана хIукуматалъул хIалтIудаса тIаса информация тIатинабун хадуб. Республикаялда чиясул ихтиярал щал жал ругелали лъалеб гьечIилан абулаан Джафаровас.
Европаялъул хIаял Бакуялда тIоритIилелде Азербайжаналда инсанасул ихтиярал хIакъир гьарулел ругин абураб хасаб тадбир гьабизехъин вукIарав Джафаров ккуна низам цIунулез.
Ахир-къад гьесда хурхун рагьана такъсир гьабиялъул иш. ЦIех-рехалъул материалазда рекъон, гьес магъалоял кьолел рукIун гьечIо ва къануналда рекъон бизнес бачунеб букIун гьечIо. Диваналъ 6,5 соналъ туснахъ гьавуна гьев.
Живго Джафаровас рикIкIунеб буго диваналъул процесс политикияблъун букIанин. Халкъазда гьоркьохъеб «Amnesty International» гIуцIиялъ лъазабуна жидеца Джафаров рикIкIунев вугин политикияв туснахъавлъунилан.