Цолъарал Штатаз квешаб къимат кьуна Россиялъул нухмалъиялъ Крымалъул татаразул информалатал, гьездаго гъорлъ ATR телекомпания, къаялъе. Вашингтоналъ ахIулел руго гьел алатазул хIалтIи нахъе буссинабиялде.
Гьелъул хIакъалъулъ лъазабулеб буго Цолъарал Штатазул Пачалихъияб департаменталъул пресс-хъулухъалъул вакил Мари Харфил лъазабиялда.
Лъазабиялда кIвар буссинабулеб буго, информалатал къай кколин Крымалда раг1ул эркенлъиялъе нух къаялъе гьабураб иргадулаб галиян.
Абулеб буго гьединго ахирисеб соналда Россиялъ Крымалъул аннексиялде данде гьаракь гьарурал Крымалъул татаразде тIадецуй гьабулеб бугин, гьел хIинкъизарулел ругин, гьезул руъкзабазуда, офисазда, политикиял гIуцIиязда ва мажгитазда рейдал тIоритIулел ругин.