Йеменалъул тахшагьар Санаялда кIиго мажгиталда жаниб хвалде унез гьарурал кьвагьиязул хIасилалда, улкаялъул телеканалаз лъазабухъе, хун вуго I37 чи, лукъун рагIула 400-ялдасаги цIикIкIун чи.
ТIадекIанциял гьарурал мажгитазде хьвадулел рагIула аслияб къагIидаялда хуситал, ай, Йеменалъул шималияб рахъ жидерго контролалда гъоркь ккун ругел шиитазул яргъид гIуцIарал къокъабазул гIахьалчагIи.
ТIоцебесеб кьвагьи гьабун буго Бадр абураб мажгиталда. Хадуб – Хашуш абураб мажгиталда.
Гьанжеги лъицаниги тIаде босун гьечIо гьеб тIадекIанцIиялъул жавабчилъи. Амма интеренталда «Исламияб пачалихъ» абураб гIуцIиялъул рахъ кколез хъвалеб буго Йеменалда гьарурал кьвагьиял гьеб гьуцIиялъул хIалтIи кколин абун.