Россиялъул президент Владимир Путин 5 марталдаса тIоцебесеб нухалда ваккана гIадамазда цеве. Гьев дандчIвана Киргизстаналъул президент Алмазбек Атамбаевгун Санкт-Петербургалда аскIоб бугеб Константинил кIалгIаялда.
Атамбаевас лъазабуна, Россиялъул президентасул сахлъи лъикIаб хIалалда бугин ва гьев гьалбалгун автомобиль тIамулевцин вугин.
«Харбал гьечIого ракIцин гъоларин» - абуна Путиница чанго къоялъ гьев экраналда вихьунгутIиялъе гIоло раккарал харбазда хурхун комментариял гьарулаго.
Информалатазда абулеб букIана Путин унтун ватизе бегьулин, гьесул мугъ унтулеб букIанин, гьесухъе Австриялдаса тохтур вачIун ватизе бегьулин. Загьир гьарулел рукIана гIемер цогидал версиябиги.