Америкаялъул Пачалихъияв секретать Джон Керрица абуна 15 марталда Ираналъул атомияб программаялда сверун Тегерангун дунялалъул анлъго улка цо къотIиялде рачIунел гьечIолъиялъул гIилла техникияб гуреб политикияб бугин.
Америкаялъул CBS каналалъе гьес абуна аслияб куцалда рагIирекъонгутIи бараб бугин политикиял суалазда, ай тIолабго дунялалда бихьизабизе кколин гьезул программаялъул ракълилаб хасият букIинин.
«Тегеран жеги буго нижеца лъагIалидаса цIикIкIун заманаялъ цебе гьабураб къотIиялда жанирго»,-ян абун буго Керрица.
Швейцариялъул Лозанна шагьаралда 15 марталда халат рахъунел рукIана Ираналда ва дунялалъул анлъго улкаялда гьоркьор Тегераналъул атомияб программаялда хурхун кIалъа-ралъаял. Гьаб сагIат гьезул мурад буго июналде щвезегIан цо къотIиялде рачIин.