Пакистаналъ тIубанго нахъе бахъун буго улкялда диваналъул хIукмуялда рекъон чи чIвазе букIараб мораторий. Араб соналъул декабралда нахъе бахъун букIана терроризмалда гIахьаллъи бугел чIвазе чIезабун букIараб мораторий. Гьелдаса нахъе улкаялда гъанкъун вуго 24чи. Гьеб киналъего гIиллалъун ккун букIана тIалибаз араб соналда Пешаваралда мактаб гъоркьлъалие боси ва гьенив 150-гIан лъимер чIвай.
Инсанасул ихтиярал цIунулезул баяназда рекъон, Пакистаналда 2008 соналда мораторий лъазабуралдаса чIвазе хIукму къотIарав 8000 ялдаса цIикIкIун чи вуго.