«Боко ХIарам» абураб экстремистазул къокъаялъ лъазабуна гьеб «Исламияб пачалихъ» абураб радикалияб гIуцIиялде гъолъе лъугьиналъул хIакъалъулъ. Гьелъул хIакъалъулъ лъазабулеб «Боко ХIарамалъул» лидер Абубакар Шекаул аудиохитIаб лъуна Твиттералда 7 марталда.
Гьелда цебе «Боко ХIарам» гIуцIиялде гIайиб гIунтIизабуна Нигериялъул Майдугури шагьаралде ункъго хвалде унес кьвагьиял гьариялъул. Гьезул тIадекIанциязул къурбаналлъун лъугьана 54 чи, лъукъана 140-ялдасаги цIикIкIун чи. Кьвагьиял гьаруна бищунго гIадамал гIемерал бакIазда, гьездаго гъорлъ ччугIил базаралда ва автостанциялда.