Оппозициял партиязда ракIалда буго I9 апрелалда Москваялда протесталъул акция тIобитIизе.
Интерфаксалъе «Солидарность» багъа-башариялъул Москваялъул бутIаялъул нухмалъулезул цояв Петр Царьковас лъазабухъе, акциялъе цIар кьун буго «ЦIим бахъиялъулги яхIалъулги марш» абун.
Гьеб тIобитIиялъул бакI мухIканго чIезабун гьечIо гьанжеги. Царьковасул рагIабазда, гьеб акция гIуцIун буго Протесталъул багъа-башариялъул комитеталъ, РПР-ПАРНАС партиялъ ва «Солидарность» багъа-башариялъ.
Гьез нухмалъиялдаса тIалаб гьабулеб буго гьеб марш централда тIобитIизе рес кьей.