Таджикистаналда жакъа тIоритIулел руго парламентиял рищиял. Парламенталда бугеб 63 бакIалъе гIоло къеркьолев вуго 300 чи. РакIалде кколеб буго гьел рищиязда бергьине бугин президент Эмомали Рахмоновасул Демократияб партияйин. Гьелъул аслияб дандияблъун буго –Исламияб партия. Гьеб ккола Советияб Союзалде гъорлъе унел рукIана Централияб Азиялъул республикабазда регистрация гьабураб цохIого цо бугеб исламияб партия.
Рищиязда халккун ругел халкъаздагьоркьосел тохалчагIаз лъазабулеб буго тIалъи какулезе улкаялда политикияб тIадецуй гьабулеб бугин ва рищиязул кампания унаго киналго партиязе цоцалъ къец базе бащадал шартIал чIезарун рукIинчIин.