«Кавказский узел» сайталъул лъазабиялда рекъон, Москваялда бугеб Дагъистаналъул вакиллъиялда рагьун буго хIалтIи балагьиялъул агентлъи. Гьелъ кумек гьабизе буго Москваялда ругел дагъистаниязе хIалтIул бакIал ратизе. Агентлъиялъул нухмалъулей ГIабидат Эюбовалъул рагIабазда, ракьцоязе хIалтIи балагьиялъул мурадалда жидеца контактал гIуцIулел ругин Москваялъул батIи-батIиял гIуцIиязулгун ва предприятиябазулгунин. Гьаниб гIуцIулеб рагIула гьанже хIалтIул бакIазул хасаб база.
