Россиялъул ТIадегIанаб диванханаялъ чIезабун буго Мордовиялъул школазда хIижабал ретIине гьукъиялъул пикру битIараб букIанин. Гьеб гьукъун букIана араб соналъул маялда республикаялъул хIукуматалъ ва гьелдаса хадуб гьеб хIукмуялда разилъичIел бусурбабаз гIарза хъван букIана диваналде.
ХIижабал ретIине тIоцебе гьукъун букIана Ставрополь икълималъул школазда. Россиялъул аслияв муфтий ва бусурбабазул Централияб рухIияб идараялъул бетIер ТIалхIат Тажуддиница лъазабун букIана балугълъиялде рахинчIел бусурманаял ясаз рас бахчичIониги бегьулин, амма Россиялъул муфтиязул Шураялъул бетIер Равиль Гъайнудинил пикру батIияб буго.