ТIабигIат цIунулеб полиция баккизе рес буго кватIичIогон Дагъистаналда. ЦерегIан къояз Дагъистаналъул жамгIияб палатаялялъ цере росарал суалазда гъорлъ букIана бакIазда, мухъазда рищни-къул балеб бакIазул суал цойиде ккезаби ва гьединал рищни барал бакIал лъугIизариялъул суал цебе лъун. Гьенибго пикру кьуна мухъазда ва бакIазда рищни балел бакIазда хадуб халкквеялъе экология цIунулеб полиция гIуцIцIи.
Рищниялъул суал кидагоги шагьаразда кIвар бугеблъун букIун батани, мухъазда ва росабалъ рищниялъул ва гьеб балеб бакIазул суалалде кIвар кьолароан. Амма ахираб 10-20 соналда жаниб рищнуялъул суал кIудияб гIунгутIиялде сверанин баян гьабулеб буго Дагъистаналъул
Тарумовка
Россельхознадзоралъул вакил ХIажимурад Агъаевас. Росдал магIишаталъул хIалтIизарулел ракьал сверулел ругила рищнидул авлахъазде. Масала, гьедин букIанила Казбек мухъалъул ИнчкIа росулъ ва Тарум мухъалъул Тарумовка росдада гIагар ругел ракьазда.
20 гIасруялда рищниялъул суал кIвар бугеб букIинчIила, гьеб бухIун, лъугIизабунги щибго къварилъи букIинчIила, амма паластмас, целлофан баккун хадуб гьеб бухIизе бегьулареб, яги кагъат гIадин ракьулъ турун лъугIулареб мехалъ гьелъ росаби цIунин рикIунеб буго гIемер саназ ТIабигIат цIуниялъул жигарчи Мансур АхIмадовас.
Тарумов мухъ
2014 соналда жаниб, Роспотребнадзоралъ гIемер мухъазда гIакIаби къотIун руго къануналда рекъечIого рищни барал бакIал ратун, гьедин гIакIаби къотIун руго ГIахъуша, Тарум, Гъизилюрт, Лаваша мухъазда.
ТIабигIат цIуниялъул суал кколин бищун кIвар бугеблъун, гьелде кIвар кьезе заманги некIого щун бугин рикIкIунеб буго ЖамгIияб палатаялъул вакил Феликс Эфендиевас. Гьесул баяназда рекъон, Халкъияб собраниялде хал гьабиялде битIун буго Экология цIуниялъул полиция гIуцIиялъул проект ва гьеб гIумруялде бахъинабиялъе харж гьабизе кколила 16 млн. гъурущ.
Цебе, Рамазан ГIабдулатIиповас Халкъияб Мажлисалда гьабураб хитIабалда кIвар кьун букIана Дагъистаналда бугеб санитарияб ахIвал-хIалалде. Гьеб бугин бруцеллез, туберкулез ва цогидал унтаби тIиритIиялъе аслияб гIиллайин абуна нухмалъулес. МугIрул мухъаазда ТIабигIиял сурсатазул ва экологияб министрелъиялъул комитеталъул нухмалъулев ГIумаров ХIайдарица баян гьабулеб буго ахираб лъагIалида жаниб бищун гIемер гьабулеб хIалтIи щибилан гьикъани- гьеб бугин рищни бакIари ва гьеб цебе ккараб бакIалде базе тунгуIиялъе гьабулеб хIалтIи. ГIадамазда щибаб рузман къоялъ рузманалдаги, рокъобги, къватIибги абулила гIакIабицин къотIулила, амма ругьунлъухъе хъитI кIкIал бугеб бакIалде балеб бугила рищни. Бищун гIемер рищниялдаса мухъ бацIад гьабиялъе хIалтIи гьабулеб бугила Хунзахъ мухъалда.
ГIумаров ХIайдар: «Рищни баялъул бичIчIи кьеялъул хIалтIи киса-кибего гьабулеб буго. Цебе ккараб бакIалде балеб букIана мугIрузда рищни. Гьелда данде рагъ балеб буго. Бищун кIудияб хIалтIи гьабун буго Хунзахъ мухъалда. Шамил мухъалда чанго гектар ракьул сверун къан хасаб рищни балеб бакI гьабун буго, гьенибе баччула рищни».
Ахираб заманаялъ лъагIан кIвар кьечIогон тун, гIадамаз пикру гьабулеб гьечIин ва кинго ругьун гьаризе кIоларин баян гьабуна ГIумаровас. Масала, Хунзахъ мухъалъул ГьоцIалъ росулъ рищни базе гьукъараб бакIалде байдал бахъулеб буго 5000 гъурущ гIакIа. Гьединал чагIи тIадкквеялъе лъун буго видео-халгьабиги. Амма гьел бакIазул хIалбихьиялъ хисизабуларин тIолго сипат, гIицIго, рищни рокъоса балеб рищни куребги, гьединго лъаразулъе гIоразулъе чвахулел чороклъабиги бугин кIудияб суалин рикIкIунеб буго ХIажимурад Агъаевас. Гьеб масъала тIубазе кканани, цин жалго гIадамазул бербалагьи хисизе кколила. ТIабигIат цIуниялъул полиция гIуцIцIаниги щибав чиясул квер кквезе рес букIунарила. ГIадамазул ургъел гьечIолъиялъул мисал кколила байрамаздаса хадуб шагьаралда парказда ва мугIрузда рохьахъ гьабун букIунеб инжилъи