Крымалъул татаразул миллияб багъа-башариялъ лъазабулеб буго, жиб данде бугин 5 февралалда Ялтаялда Иосиф Сталиние, Франклин Рузвельтие ва Уинстон Черчиллие мемориал рагьиялдейин.
Гьеб гIуцIиялъул хитIабалда гьеб хIукму бихьизабун буго сталинизм рухIалде бачIунеб букIиналъул ишара хIисабалда. Гьелъин абуни, жамгIият тIадеги кIибикьизабулин, хъвалеб буго документалда.
ХитIаб битIун буго Россиялъул президент Владимир Путинихъе, Пачалихъияб Думаялъул ва Федерациялъул Мажлисалъул нухмалъиялъухъе, гьединго Генералияб прокуратураялде.