Пакистаналъул жанубияб рахъалда бугеб Синд провинциялда хун вуго 49 чи ва лъукъун вуго 50-ялдаса цIикIкIун шигIитазул мажгиталда жаниб кьвагьи гьабиялъул хIасилалда. Шикарпур абулеб шагьаралъул мажгиталда жанив 470 чияс рузман-как балеб мехалда гьабун буго гьеб кьвагьи. Гьелъул жавабчилъиги тIаде босун буго суннитазул Джундулла абулеб къукъаялъ.
Суннитазул экстремистазул хIаракатчилъи загьирлъула гьез унго-унгоял бусурбабилъун рикIкIунарел шигIитазул диниял институтазде данде.
Гьеб теракт ккола 16 декабралда Пешавар шагьаралда тIалибаз школа гъоркьлъалие босаралдаса ва гьенив 151 чи чIваралдаса бищунго кIудияблъун. Гьенир аслияб куцалда чIван рукIана школлъимал.