Америкаялъ Украиналъе кьезе буго кIиго млрд. долларалда бащадаб кредит. Гьебги исана соналъул социалиял харжал хьезаризе.
Гьединаб къотIиялда гъоркь арбагI къоялда гъулбас лъуна кIиябго улкаялъул финансазул министрал Наталья Яреськоца ва Джейкоб Льюца.
Льюца гьединго абуна, хIажалъи ккани Россиялде данде санкциял дагьалги кьваризаризе хIадураб бугин Америкайин.
Исана Украиналъе цо млрд. 800 азарго евроялъул кредит кьезе хIукму гьабун букIана Евроцолъиялъги.
Талат къоялда Евроцолъиялде гьоркьоре унел улкабаз жиде-жидер къватIисел ишазул министерлъиязе кьун букIана Россиялде данде дагьалги санкциял гьаризе кинал ресал ругелали лъазабизе тIадкъаял.