Шамат къоялда Украиналъул Мариуполь шагьаралда щвезабураб кьабиялъул хIасилалда хун вуго бищун дагь босун 20 чи, 87-ялдаса цIикIкIун чи лъукъунги вуго.
Шагьаралъул машрикъалъул рахъалда биххун буго чанго мина, зарал ккун буго школаялъе, тукабазе ва базаралъе.
Гьелъул хIакъалъулъ лъазабулеб буго Донецк областалъул жанисел ишазул идараялъул нухмалъулев Вячеслав Аброськиница.
Киевалъ гьеб хIужжаялда хурхун гIайиб гIунтIизабулеб буго сепартистазда. Ахирисез лъазабулеб буго шагьаралда кьабиял щвезарунин хIукуматалъул рагъул къуватазин. АхIвал-хIал мухIкан гьабиялъул мурадалда Мариуполалде ана ОБСЕялъул тоххалчагIи.