90 сон барав СагIудиязул ГIарабиялъул къирал ГIабдала ибн ГIазиз хвана.
Гьев хвеялъул багьанаялъул бицунеб гьечIо. Амма лъалеб жо ккола араб соналъул ахиралда гьев гьогIразул инфекция букIун Эр-Риядалъул азарханаялда вегизавун вукIараблъи.
Гьесул бакIалде вачIана 76 сон барав гьесул вас Салман ибн ГIабдала ГIазиз. Гьединаб информация тIибитIизабун хадуб дунялалъул нартил багьаби тIаде ине байбихьана.
Россиялъул президентасул пресс-секретарь Дмитрий Песковас лъазабун букIана, ГIабдала ибн ГIазизиде букIараб лъикIаб бербалагьи загьир гьабиялъул мурадалда СагIудиязул ГIарабиялде Россиялъул рахъалдаса ине вугин премьер-министр Дмитрий Медведевин.
Вашингтоналъги лъазабуна, Цолъарал Штатаздаса гьеб мурадалъ гIагарисел къоязда гьениве щвезе вугин вице-президент Джозеф Байден. СагIудиязул къирал вукъана рузман къоялда гIадатияб жинде цIар гьечIеб хабзалалъ.