Нигералъул тахшагьар Ниамей-ялда шамат къоялда Charlie Hebdoялъ МухIамад аварагасде (с.гI.с) карикатураби рахъиялде данде тIобитIараб митингалъул гIахьалчагIаз бухIун буго кIиго килиса. Гьединалго протесталъул акциял рузман къоялда тIоритIун рукIана Алжир, Пакистан, Индия гIадинал цоги улкабаздаги.
Франциялъул президент Франсуа Оландица гьеб ситуациялъе комментарий кьолаго абун буго гьел акциязул гIахьалчагIазда бичIчIулеб гьечIин «французазе рагIул эркенлъи» бокьулеб куцин. Гьес гьединго абуна Франциялъ «киналго диназул адабги гьабулин».