ЦIиял баяназда рекъон, 15 январалда къаде, сагIат цо тубараб заманаялъ, МахIачхъала-Буйнакск нухлул бутIаялда «Тойота» автомобиль цойги «ВАЗ 20193» автомашинагун дандречIчIиялъул хIасилалда, «Тойота» машина бачунев вукIарав полициялъул хIалтIухъан хун вуго. Гьединго хун йиго «ВАЗ 20193» машинаялда жаний рекIун йикIарай гIаданги, машина бачунев вукIарав чи захIматал ругъналгун МахIачхъалаялъул азарханаялде вачун вуго.
Гьеб лъугьа-бахъиналъул киналго гIиллаби мухIкан гьарулел ругин ва ишалъул халгьабиял байбихьун ругин лъазабулеб буго Жанисел ишазул министерлъиялъул пресс-хъулухъалъ.
Цебеккун гьез лъазабун букIана полициялъул хIалтIухъанасул автомобиль хъитIинибе бортун бугин.