Германиялъул Дрезден шагьаралда итни къоялъ аза-азар чияс тIобитIана антиисламияб демонстрация. Гьеб демонстрация гIуцIана «Исламизациялде данде чIолел Европаялъул патриотал», абулеб багъа-бачариялъ.
11 январялда Германиялъул юстициялъул министр Хайко Маасица гIуцIарухъабаздехун вуссун, ахIи бана рехсараб тадбир нахъе бахъиналда. Гьесул пикруялда бусурбабазде данде рокьухълъи бижизабизе рехсараб багъа-бачариялъул ихтияр гьечIо.
Амма гьеб тIалабалъухъ гIинтIамичIого гьел «Европаялъул патриотаз» Дрезденалда Германиялъул миллиял байрахъал рорхун, ахIулаан «Ниж ругин халкъилан».
Гьезда, ай бусурбабазда жиндир эркенлъи чIвазе кIвеларилан. Гьеб букIана Парижалда «Шарли Эбдо» журналалде гьабураб гьужумалъе жавабилан, лъазабуна демонстрация гIуцIараз.