Сириялъул оппозициониял ва революциониял къуватазул коалициялъул лидерлъун вищун вуго Туркиялда гьеб идараялъул вукIарав вакил Халед Ходжа. Гьеб хъулухъалда гьес хисана цIиял рищиязда гIахьаллъизе бокьичIев Хади аль-Бахру.
Цо-цо баяназда рекъон, Сириялъул оппозициониял къукъабазул лидерал гIагараб заманалда ракIаризе руго Каиралда улкаялъул прзидент Башар Асадил режимгун ракълилал кIалъа-ралъаял гьаризе «нухлулаб карта» дандбазе.
Сириялъул оппозициялъул ва хIукуаталъул вакилзабазул данделъи тIобитIизе буго январалъул ахиралда Москваялъул инициативаялда рекъон.