ГьатIан къоялдаса байбихьун Бангладешалъул полициялъ улкаялъул тахшагьар Даккаялда гьукъана разилъи гьечIолъиялъул акциял, митингал ва демонстрациял.
France-Press агентлъиялъул баяналда рекъон оппозиционияб Миллатчилъиялъул партиялъул оффисалда ккун ва дова къан вуго гьеб оппозиционияб партиялъул бетIер Халед Зиа. Оффисалдехун нухалги къан руго.
Ккун вуго жеги чанго чи. Бангладешалда ахIвал-хIал хIалуцана 1 январалда. Доб къоялъ Халед Зиaца тIалаб гьабуна заманалъулаб нейтралияб кабинеталъул контролалда гъоркь цIиял гIаммал рищиял тIоритIи ва ахIи бана разилъи гьечIолъиялъул акциязде.