Украиналъул машрикъалъул рахъалда ругел сепаратистазе хIалае Россиялдаса аскариял инструкторал рачIунел руго, ян лъазабуна шамат къоялъ Украиналъул улка цIуниялъул ва миллияб хIинкъи гьечIолъиялъул Шураялъул вакил Андрей Лысенкоца, Украиналъул рагъулаб цIех-рехалъул баяналда мугъ чIвай гьабун.
Шамат къоялъ гьединго загьирабун буго лъазаби - 7 январалда Германиялъул канцлер Ангела Меркель ва КIудияб Британиялъул премьер-министр Дэвид Кэмерон данделъизехъин ругин Лондоналда. Гьоркьоб лъезесеб суал – Донбассалда бугеб ахIвал-хIал.