Армения рузман къоялъ официалияб куцалда жубан буго Евразиялъул экономикияб Цолъиялде гъорлъе.
Гьанже гьеб гIуцIиялъул ункъго мушавара-улка буго – Белоруссия, Казахстан, Россия ва Армения. Абулеб буго иргадулаб мушавара улкалъул Хъыргъизстан букIине бугин.
Гьединго рес буго Туркия, Вьетнам, Гьиндустан, ГIизраиль ва Узбекистан гьеб Цолъиялде гъорлъе лъугьине. Документалда рекъон рехсараб Цолъи – политикияб гурин, гьеб бугин гIицIго экономикияб гIуцIи.