Украиналда конфликт унеб бакIалда араб сордо-къоялда жаниб хIукуматалъул рагъулав хъулухъчи чIван вуго, жеги щугояв лъукъана.
Гьадин лъазабуна рузман къоялъ хасаб операциялъул штабалъул пресс-секретарь Андрей Лысенкоца.
Гьес гьединго абуна ахIвал-хIал хисун гьечIин. Сепаратистаз гьужумал гьарулел ругин Мариуполялда, Донецкалда, Луганскалда аскIор ва цогидал бакIазда.
Рагъулаб цIех-рехалъул баяналда рекъон конфликт унеб бакIалде инструкторал хIисабалда рачIунел руго Россиялъул рагъулал-хъулухъчагIи.