Итни къоялъ Тегераналда абадияб рукъове регIизавун вуго ГIиракъалда чIварав Ираналъул генерал ХIамид Тагхави. Гьадин лъазабуна бакIалъулаб телевиедениялъ.
Гьев вукъун вуго жиндир гIвагараб Ахваз шагьаралда.
Исламияб Инкъилабалъул хъаравуллъи абулеб идараялъул лъазабиялда рекъон гьев Тагхави Самарра шагьаралда снайперас речIун чIвана.
Гьелъул жавабчилъи тIад босана «Исламияб пачалихъ» абулеб гIуцIиялъ.
Ираналъул тIадтараз абулеб буго жидеца жидерго аскариял ГIиракъалде ва Сириялде ритIулел ругин исламистазде ва Сириялъул яргъид гIуцIараб оппозициялде данде къеркьей гьаби мурадалда.