Гьиндонезиялъул хвасар гьабиялъул агентлъиялъул бетIер Бамбанг Соелистоца итни къоялъ лъазабуна, шамат къоялъ камураб AirAsia авиакампаниялъул боржаро ралъдалъ гъанкъун батилин.
Гьадинаб пикру гьабизе бегьулин цIех-рехалъул хIасилалда балагьун.
Итни къоялъул радал камураб тирело бала-гъалагьулеб иш гьабулеб букIана Гьиндонезиялъул, Австралиялъул ва Малайзиялъул гумубаз ва тирелобаз.
Гьиндонезиялдаса Сингапуралде боржун унеб букIараб гьеб аэробусалде рекIун вукIана 162 чи.