Сахаровасул центр «КъватIисел улкабазул агентазул» сияхIалде босиялда бан «Мемориал» абураб инсанасул ихтиярал цIунулеб гIуцIиялъул нухмалъулезул цояв Арсений Рогинскияс жидерго гIуцIиялъул цIаралдаса гьабуна хасаб лъазаби.
Гьелда абулеб буго «Мемориалалъ» Россиялъул нухмалъиялдаса тIалаб гьабулеб бугин лъиданиги рачIел гIуцIиязе батIи-батIиял цIарал кьеялдаса инкар гьабийин.
Гьеб кампаниялъ такрар гьарулел ругин советияб заманалъул бищунго квешал къагIидабиян. «КъватIисел улкабазул агент» абураб цIар кьей кколин Сахаровасул цIар ва рухI хIакъир гьабийин.