Цолъарал Штатаз лъазабулеб буго, жидехъ далилал ругин Сириялда Иорданиялъул рагъулаб аэроплан «Исламияб пачалихъ» гIуцIиялъул гIахьалчагIаз асар гьабун бортун гьечIеблъиялъулин.
F-I6 аэроплан бортана 24 декабралда Сириялъул шималиябгун машрикъалъул рахъалда Ракка шагьаралда аскIобеххун. Гьелда хадуб исламистаз интернеталда бахъана видео пилот Муат Сафи-Юсеф аль-Касисбегь асир гьавулебин абураб ва лъазабуна, жидеца бортизабунин Иорданиялъул аэропланин.