Сиднеялда (Австралия) гIадамал гъоркьлъалие росараб кафеялда гьужум гьабулаго чIван вуго кIиго чи, лъабгояв захIматго лъукъун вуго. Гьедин лъазабулеб буго СNNалъ Австралиялъул телевидениялда мугъчIвайги гьабулаго. Жеги 7 чи вачIун вуго кафеялдаса къватIиве. Щал лъукъун яги чIван ругелали лъазабулеб гьечIо.
Цебе букIараб баяналда рекъон, щуго чи гьениса лъутунги вуго, кин гьел лъутаралалиги лъалеб гьечIо.
Австралиялъул информалатазул баяназда рекъон, «Линдт» кафеялда гIадамал гъоркьлъалие росун руго Ираналдаса лъутун вачIарав Ман Харон Монис абулев чияс. Австралиялда гьев полициялъ чанго нухалда ккун вукIун вуго зулмуялъулал такъсиразул ишазул хал гьабулаго. Гьесда гьединго чIезабун букIун буго улка тун къватIирехун хварал Австралиялъул солдатазул хъизамазде хIинкъаби кьеялъул къагътал ритIиялъул гIайибги.