Кениялъул полициялъ лъазабухъе, «Аш-Шабаб» абулеб Сомалиялъул яргъид гIуцIараб радикалиял бусурбабазул къукъаялъ улкаялъул шималияб рахъалда автобусалде гьужум гьабун, 28 чи речIчIун чIвана.
Гьезул цо-цоял кколаан пачалихъиял хъулухъчагIи. Гьел унел рукIана тахшагьар Найробиялде. ГIаммаб къадаралда автобусалда рукIун руго 60 чи. ЧIаго хутIарал кколин бусурбаби.
Гьеб гьужумалъул жавабчилъи тIад босун, «Аш-Шабаб» гIуцIиялъ лъазабуна гьуб къисас букIанин Кениялъул тIадтараз Момбаса шагьаралъул мажгиталда рейд гьабун букIиналъухъ босараб.