Планалда букIинечIеб хал-шал коммерциялъулал гурел гIуцIабазул гьабизе прокуратураялъе рес кьолеб къануналда хурхун «Мемориал», «Агора», «Гражданское содействие» абурал инсанасул ихтиярал цIунулел гIуцIабазул гIарза къабул гьабуна Россиялъул Конституциялъулаб диваналъ.
Гьелъул хIакъалъулъ лъазабулеб буго РАПСИ абураб агентлъиялъ.
2013 соналъул марталда Россиялда байбихьана НКОязул планалда букIинчIеб хал-шал гьабиялъул кампания.
Гьезул сияхIалда руго «къватIисел улкабазул агентал» хIисабалда регистрация гьабизе инкар гьабурал инсанасул ихтиярал цIунулел ва цогидал гIуцIаби.