ЧIегIер ралъдалъ Стамбулалда аскIобегIан катер гъанкъидал хун вуго Афгъанистаналдаса Европаялде лъутулев вукIарав 24 чи.
Туркиялъул официалиял хъулухъчагIаз лъазабулеб буго гъанкъаразда гьоркьоб 12 лъимер букIанин. ЛъикIаб гIумруялда хадур Европаялде лъутулел рукIарал гьел афгъаназ, жал гьеб цIураб катералде рахине таралъухъ, контрабандистазе щивас кьун буго чанго азарго евро.
Гьелда тIад кинабниги вукIун вуго 40 чи, вукIине бегьулелдаса ункъго нухалъ цIикIкIун. Анлъго чи хвасар гьавун вуго ва лъелъа 24 жаназа бахъун буго. ХутIарал ралагьулел руго. Гьедин лъазабулеб буго турказ.