Цолъарал Штатазул Пачалихъияв секретарь Джон Керрица лъазабуна, жиндир рахIат хвезабулеб бугин Иерусалималда ахIвал-хIал хIалуцунеб букIиналъ.
Хамиз къоялъ Вашингтоналда цевен вахъун, гьес какана Менахем Бегинил цIаралда бугеб Централда ягьудиязул динияв хIаракатчи Йегьуда Гликиде арбагI къоялъул къаси гьабураб гьужум. Гьев лъукъун вуго.
Бахъараб кьвагIа-гIанхъиялъул хIасилалда Гликиде гьужум гьабурав палестинияв полициялъулаз чIвана.
Гликил буго кIиго гражданлъи – Америкалъулги ГIизраилалъулги. Гьес тIалаб гьабулеб букIана Аль-ГIакса мажгит бугеб магIарда жугьутIазе как базе ихтияр кьей.
Доб магIарда бусурбабазе цойги хирияб бакI буго.