Хамис къоялда Сербиялде щварав жинцаго жибго лъиданиги бачIеб пачалихълъун лъазабураб Косовоялъул къватIисел ишазул министр Энвер Ходжайица Белград ахIана жидерго улкаялъул гьединаб статус къабул гьабиялде.
Белградалда кIалъалаго Ходжайица абуна, Косово пачалихъ хIисабалда къабул гьабиялъул къагIида кколин Сербиялъулгун ракълилаб къотIи-къай гъулбасийин. Белградалъ гьанжелъезегIан инкар гьабулеб букIана 2008 соналда Сербиялдаса батIалъараб бутIаялъул суверенитет къабул гьабизе.
Гьанже Белградалъ хIадур гьабулекб буго жиндирго жаваб. Евроцолъиялъ гьоркьохъанлъи гьабун кIиябго рахъалъ диалог тIобитIулеб буго гьоркьоб къотIичIого практикиял суалазда хурхун.