4 ноябралда «ГIурусазул марш» тIобитIиялъул гIарза кьун буго цIидаса Москваялъул мэриялде нациоанлистаз. Гьелъул хIакъалъулъ «Интерфаксалъе» лъазабун буго «Русские» абураб багъа-башариялъул лидер Дмитрий Демушкиница.
Акциялъул гIахьалчагIазул къадар бахине бегьула 30 азарго чиясде. Марш гIуцIулезул гIарзаялда бихьизабун буго гьеб акциялъул анцIгоялдасаги цIикIкIун букIине бегьулеб маршрут. Гьездаго гъорлъ Бульваралъул гор ва Сахаровасул проспект.
Цебе Москваялъул хIукуматалъ инкар гьабун букIана шагьаралъул центаралда гьединаб акция тIобитIиялъул гIарза гьоркьоб лъезе.
Ахирисел соназда «ГIурусазул марш» тIобитIулеб букIана Люблино абураб мухъалда. «ГIурусазул марш» тIобитIула 2005 соналдаса байбихьун. ГIадатияб къагIидаялда Москваялда гьелда гIахьаллъула чанго азарго чи.
Араб соналда гьединабго тадбирал тIоритIана Петербурагалда, Новосибирскалда, Вологдаялда, Красноярскалда, Иркутскалда ва чанго цоги шагьаралда.