"Исламияб пачалихъ" абураб гIуцIиялъ тIубанго бахъизе гIамал гьабулеб Сириялъул Кобани шагьаралда исламистазде данде рагъулезе кумек гьабизе унел курдазе гIорхъи бахине изну кьуна Туркиялъул нухмалъиялъ.
20 октябралда Анкараялда Туркиялъул къватIисел ишазул министр Мевлют Чавушоглуца лъазабуна гьеб суалалда хурхун кIалъа-басаял халат рахъунел ругин.
18 октябралда Цолъарал Штатазул президент Барка Обамаца Туркиялъул президент Реджэп Тайиб Эрдоганилгун гьаруна консультацияби Кобани шагьаралда бугеб ахIвал-хIалалда хурхун. Цолъарал Штатазул рагъулаз лъазабулеб буго жидеца "Исламияб пачалихъ" гIуцIиялъул Кобани шагьаралда ругел позициязда 135 авиакьаби щвезабунин.