Сириялда ругел курдазул вакилзабаз ва курдазул рагъулал къукъабазул бутIруз лъазабуна «Исламияб пачалихъилан» абулеб багъа-бачариялъул къеркьохъанал Кобани шагьаралдаса нахъе гъун ругин.
ГьабсагIат гъозул контролалда гъоркь шагьаралъул гIицIго 20 процент гурони – тIокIаб гьечIин. Цолъарал Штьатаз бетIерлъи гьабулеб халкъаздагьоркьосеб коалициялъул гьавадул гьужумал курдазул яргъид гIуцIарал къукъабазе кIудияб кумек гьабун бугин, абулеб буго гъозул командованиялъ.