Багъдадалда ахIвал-хIал буго ГIиракъалъул хIинкъигьечIолъиялъул къуватазул тIолабго контролалда гъоркь. Гьедин лъазабуна Чилиялде визитгун щварав Пентагоналъул бетIер Чак Хейгелица.
Гьеб лъазаби гьес гьабуна ГIиракъалда 11 октябралъул маркIачIуда гьабураб чанго кьвагьиялда хадуб.
ГIаммаб къагIидаялда 38 чи хун вуго хвалде унез автомобилал кьвагьизариялъул хIасилалда. ГIемер чи лъукъунги вуго.
Гьелдаго цадахъ Анбар провинциялда «Исламияб пачалихъ» гIуцIиялъул къуватаз халат бахъинабулеб рагIула жидерго гьужум.
ГIиракъалъул шималияб рахъалда Америкаялъул авиациялъ халат бахъинабулеб буго исламистаз сверун ккун ругел хIукуматалъул къуватазе къваригIараб чIезабиялъул десанталъул операция. Гьенибе рехулеб буго лъим, квен-тIех, гулла-хер.
Хейгелил рагIабазда, халкъазда гьоркьосеб коалициялъул авиакьабияз Сириялъул Кобани шагьаралде жигьадистаз гьабулеб гьужум тохлъизабуна.
Гьелдаго цадахъ Пентагоналъул бетIерас абуна, гьеб шагьар босиялъул цебегогIадинаб хIинкъи хутIулеб бугин.