Россиялъул тIадтараз «Новая газетаялда» лъазабун буго гьелъ экстермизмалде данде къеркьеялъул къанун хвезабулеб букIиналъул хIакъалъулъ.
Гьедин рузман къоялда лъазабуна жибго «Новая газетаялъ». Газеталде бачIараб хасаб къагътида хъвалеб буго машгьурай журналист Юлия Латыниналъул макъалаялъ хвезабулеб бугин социалияб, расаялъул, миллияб ва динияб кьучIалда рокьукълъи бижинаби гьукъулеб къануналъул статьяйин.
Газеталъул редактор Сергей Соколовас лъазабуна, жиндир ургъел ккун бугин, гьеб гали пачалихъиял репрессиязул тIоцебесеб гали батизе бегьиялда банин.
Россиялъул къануназда рекъон, газета къазе бегьулеб буго I2 моцIалда жаниб кIиго лъазаби гьабун хадуб.