Грозныялда кьвагьи бахъун ункъго полициялъулав чIван вуго, жеги ункъгояв лъукъана.
Россиялъул Жанисел ишазул министерлъиялъул баяналда рекъон кьвагьулеб алат концертал кьолеб залалда аскIоб хIалтIизабуна живго жинцаго чIвазе хIукму гьабурас.
ГьатIан къоялъ Грозныялда кIодо гьабулеб букIана шагьаралъул къо. Теракталда цебе респубилкаялъул бетIер Рамзан Къадыровас абуна, гьеб байрам бугин бергьенлъиялъул ишараилан.
Щуабилеб октябрь гьединго ккола Рамзан Къадырова гьавураб къо.